काठमाडौँ : स्थानीय बजारमा आजपनि सुनको मूल्यले नयाँ रेकर्ड कायम गरेको छ । सोमबारको कारोबारमा सुनको मूल्य अघिल्लो दिनको तुलनामा १ हजार ७ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ५ हजार ३ सय रुपैयाँ कायम भएको छ । यो मूल्य हालसम्मकै उच्च हो ।अघिल्लो दिनपनि सुनको मूल्य ३ हजार रुपैयाँले बढ्दै प्रतितोला २ लाख ३ हजार ६ सय रुपैयाँमा कारोबार भएको थियो।
यस्तै, आज चाँदीको मूल्य समेत बढेको छ । चाँदी आज ४५ रुपैयाँले बढेर प्रतितोला २ हजार ४ सय ७० रुपैयाँ पुगेको छ ।
