काठमाडौँ : चालु आर्थिक वर्ष २०८२/८३ को दोस्रो त्रैमास (साउन–पुस)सम्म बैंकहरुले प्रवाह गरेको शेयर धितो कर्जा उल्लेख्य रूपमा बढेको छ। नेपाल राष्ट्र बैंकले सार्वजनिक गरेको तथ्यांकअनुसार पुससम्म बैंकहरुबाट १ खर्ब ५२ अर्ब ४० करोड ३३ लाख रुपैयाँ शेयर धितो कर्जा प्रवाह भएको छ।
अघिल्लो आर्थिक वर्ष २०८१/८२ को पुससम्म यो रकम १ खर्ब १३ अर्ब ७७ करोड ६७ लाख रुपैयाँ मात्र थियो। यसरी तुलना गर्दा चालु वर्षमा शेयर धितो कर्जा ३३.९५ प्रतिशतले बढेको देखिन्छ।
पुससम्म १ करोड रुपैयाँभन्दा माथिको रेन्जमा मात्रै १ खर्ब ६ अर्ब ११ करोड ५१ लाख रुपैयाँ कर्जा प्रवाह भएको छ, जुन अघिल्लो वर्षको तुलनामा ४०.६६ प्रतिशतले वृद्धि भएको हो।
अन्य रेन्जमा पनि कर्जाको माग बढेको छ।
- ५० लाखदेखि १ करोडसम्मको कर्जा १७ अर्ब ७ करोड ९१ लाख रुपैयाँ पुगेको छ (२६.५९% वृद्धि)।
- २५ लाखदेखि ५० लाखसम्मको कर्जा १९ अर्ब ३८ करोड २० लाख रुपैयाँ पुगेको छ (२०.०५% वृद्धि)।
- २५ लाखसम्मको कर्जा ८ अर्ब ८२ करोड ७१ लाख रुपैयाँ पुगेको छ (११.६३% वृद्धि)।
यसरी समीक्षा अवधिमा सबै रेन्जमा शेयर धितो कर्जाको माग बढ्दै गएको देखिन्छ।
