काठमाडौँ : नेपाली सुनचाँदी बजारमा मंगलबार सुनचाँदी दुवैको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार २ सय रुपैयाँले घटेको हो।
मूल्य घटेसँगै आज बजारमा छापावाल सुन प्रतितोला २ लाख ८४ हजार रुपैयाँमा कारोबार भइरहेको छ। यसअघि सोमबार सुन प्रतितोला २ लाख ८५ हजार २ सय रुपैयाँमा खरिदबिक्री भएको थियो।
चाँदीको मूल्य पनि घट्यो
सुनसँगै आज चाँदीको मूल्यमा पनि सामान्य गिरावट देखिएको छ। सोमबारको तुलनामा चाँदी प्रतितोला १५ रुपैयाँले घटेको हो। महासंघका अनुसार आज चाँदी प्रतितोला ४ हजार ३ सय ६० रुपैयाँमा कारोबार भइरहेको छ। सोमबार यसको मूल्य प्रतितोला ४ हजार ३ सय ७५ रुपैयाँ कायम थियो।
