काठमाडौँ : काठमाडौँ उपत्यकामा शान्ति सुरक्षा चुस्त राख्न प्रहरीले अपरेसन तीव्र पारेको छ। पछिल्लो २४ घण्टाको अवधिमा शंकास्पद गतिविधिमा संलग्न १ सय १५ जनालाई उपत्यकाका विभिन्न स्थानबाट प्रहरीले नियन्त्रणमा लिएको छ।

काठमाडौँ उपत्यका प्रहरी कार्यालयका अनुसार नियन्त्रणमा लिइएकामध्ये:

• काठमाडौँ जिल्लाबाट: १०८ जना

• ललितपुर जिल्लाबाट: ७ जना

प्रहरीका अनुसार नियन्त्रणमा लिइएका सबैमाथि आवश्यक छानबिन तथा अनुसन्धान भइरहेको छ। सोही अवधिमा प्रहरीले विभिन्न मुद्दामा फरार रहेका २८ जना प्रतिवादीहरूलाई समेत पक्राउ गर्न सफल भएको छ।

१,०८३ ट्राफिक नियम उल्लङ्घनकर्ता कारबाहीमा

उपत्यकाको सवारी आवागमनलाई व्यवस्थित बनाउन ट्राफिक प्रहरीले कडाइ गरेको छ। गत २४ घण्टामा नियम मिच्ने १ हजार ८३ जना चालकहरू कारबाहीमा परेका छन्।

मुख्य कारबाही विवरण:

सचेतना कक्षा अनिवार्य

मादक पदार्थ सेवन, लेन अनुशासन र रातो बत्ती उल्लङ्घन तथा तीव्र गतिमा सवारी चलाउने चालकहरूका लागि ट्राफिक प्रहरीले सचेतना कक्षा अनिवार्य गरेको छ। यसै क्रममा हिजो मात्रै उपत्यकाका २३४ जना चालकहरू ट्राफिक सचेतना कक्षामा सहभागी भएका छन्।