काठमाडौँ : नेपाली बजारमा आज आइतबार सुनचाँदी दुवैको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार ८ सय रुपैयाँले घटेको हो। यससँगै, अघिल्लो कारोबार दिन अर्थात् शुक्रबार प्रतितोला २ लाख ८५ हजार रुपैयाँमा कारोबार भएको सुनको मूल्य आज २ लाख ८३ हजार २ सय रुपैयाँमा झरेको छ।
सुनसँगै आज चाँदीको मूल्यमा पनि गिरावट आएको छ। महासंघका अनुसार चाँदीको मूल्य तोलामा ४५ रुपैयाँले घटेको हो। यो गिरावटसँगै आज नेपाली बजारमा चाँदीको कारोबार प्रतितोला ४ हजार ३ सय १५ रुपैयाँमा भइरहेको छ, जुन अघिल्लो शुक्रबार प्रतितोला ४ हजार ३ सय ६० रुपैयाँमा किनबेच भएको थियो।
अन्तर्राष्ट्रिय बजारको उतारचढाव र स्थानीय बजारमा माग तथा आपूर्तिको अवस्थाका कारण सुनचाँदीको मूल्यमा प्रभाव परेको हो। महासंघले दैनिक रूपमा अन्तर्राष्ट्रिय बजारलाई आधार मानी नेपालमा सुन तथा चाँदीको आधिकारिक कारोबार मूल्य तय गर्दै आएको छ।
