काठमाडौँ : माछापुच्छ्रे बैंक लिमिटेडको सहायक कम्पनी माछापुच्छ्रे क्यापिटल लिमिटेडले आर्थिक वर्ष २०८२/८३ को मुनाफाबाट आफ्ना सेयरधनीहरूलाई ७ प्रतिशत नगद लाभांश (करसहित) वितरण गर्ने घोषणा गरेको छ। यस अन्तर्गत क्यापिटलले कुल २ करोड ४३ हजार ७ सय ६५ रुपैयाँ बराबरको नगद लाभांश आफ्ना सेयरधनीहरूलाई प्रदान गर्ने प्रस्ताव गरेको छ।
सो लाभांश प्रस्तावलाई पारित गर्नका लागि क्यापिटलले आगामी भदौ २४ गते आफ्नो सातौं वार्षिक साधारण सभा आह्वान गरेको छ। उक्त साधारण सभामा आर्थिक वर्षको वार्षिक प्रतिवेदन, लेखापरीक्षकको प्रतिवेदनमाथि छलफल हुनुका साथै चालु आर्थिक वर्षका लागि लेखापरीक्षक नियुक्ति र तिनको पारिश्रमिक निर्धारण गर्ने लगायतका प्रस्तावहरू पनि प्रस्तुत गरिनेछन्।
