काठमाडौँ : भोटेकोशी नदी हुँदै त्रिशूली नदीमा भीषण बाढी आउँदा ठूलो धनजनको क्षति भएको छ। राष्ट्रिय विपद जोखिम न्यूनिकरण तथा व्यवस्थापन प्राधिकरणका अनुसार बाढीका कारण मृत्यु हुनेको संख्या ९ सय ३ पुगेको छ।

जिल्लागत रूपमा भेटिएका शवको विवरण :

• चितवन: २७२

• नवलपरासी (पूर्व): २०७

• नवलपरासी (पश्चिम): १५१

• नुवाकोट: ९५

• गोरखा: ६२

• धादिङ: ५५

• तनहुँ: ३७

• रसुवा: २४

४ हजारभन्दा बढी अझै बेपत्ता बाढीका कारण हालसम्म ४ हजार २ सय ४७ जना सम्पर्कविहीन रहेका छन्। बेपत्ता हुनेहरूमा रसुवाका ८ सय ६५ जना, नुवाकोटका १ हजार ५ सय  ५८ जना, जलविद्युत आयोजनाका ९ सय  ३३ जना, ५ सय  ९२ जना विदेशी नागरिक र उनीहरूसँगै भ्रमणमा रहेका १ सय २७ नेपाली रहेका छन्।

यस्तै, सुरक्षा निकायका प्रहरी, सेना, सशस्त्र प्रहरी बलका साथै भन्सार, अध्यागमन, मकवानपुर, लाङटाङ राष्ट्रिय निकुञ्ज र क्वारेन्टाइन कार्यालयका कर्मचारी तथा सर्वसाधारण पनि बेपत्ता सूचीमा छन्। उद्धार र उपचारको अवस्था प्राधिकरणका अनुसार हालसम्म १० हजार ४ सय ५१ जनाको सफलतापूर्वक उद्धार गरिएको छ। जसमा नेपाली सेनाको हेलिकप्टरमार्फत २ सय ५२ जना विदेशी र ३ हजार ३ सय ४४ जना नेपालीको उद्धार गरिएको हो।

आइतबार मात्रै विभिन्न जलविद्युत आयोजनामा फसेका १५ जना चिनियाँ र ७ जना भारतीय नागरिकलाई उद्धार गरिएको छ। सोमबार बिहानसम्म उद्धारका लागि १७ वटा उडान भइसकेका छन्। बाढीमा परी घाइते भएका २ सय ६७ जनामध्ये १ सय ५६ जना उपचारपछि घर फर्किएका छन्।

खोज तथा उद्धारमा २० हजारभन्दा बढी सुरक्षाकर्मी परिचालन प्रभावित क्षेत्रमा खोजी तथा राहत कार्य तीव्र पारिएको छ। उद्धारका लागि कुल २० हजार ८ सय १९ जना सुरक्षाकर्मी परिचालन गरिएको छ। जसमा नेपाली सेनाका ८ हजार ७ सय २२, नेपाल प्रहरीका ७ हजार ८ सय ९४ र सशस्त्र प्रहरी बलका ४ हजार २ सय ३ जना खटिएका छन्।