काठमाडौँ : नेपाल धितोपत्र बोर्ड (सेबोन) ले राष्ट्रिय वाणिज्य बैंकलाई ३ अर्ब रुपैयाँ बराबरको ऋणपत्र (डिबेन्चर) बिक्री गर्न स्वीकृति प्रदान गरेको छ। बैंकले ‘आरबीबीएल डिबेन्चर–२०८९’ नाममा उक्त ऋणपत्र सर्वसाधारण तथा व्यक्तिगत तवरमार्फत बजारमा ल्याउन लागेको हो।

धितोपत्र बोर्डको अनुमतिसँगै बैंकले प्रतिइकाइ १ हजार रुपैयाँ अंकित मूल्यका कुल ३० लाख इकाइ ऋणपत्र निष्कासन गर्नेछ।

निष्कासन गरिने कुल ऋणपत्रमध्ये:

• सर्वसाधारणका लागि : ४० प्रतिशत अर्थात् १२ लाख इकाइ

• व्यक्तिगत तवर (प्राइभेट प्लेसमेन्ट) बाट : ६० प्रतिशत अर्थात् १८ लाख इकाइ

यो ७ वर्ष अवधि रहेको ऋणपत्र हो, जसमा लगानी गर्ने लगानीकर्ताले वार्षिक ६ प्रतिशतका दरले ब्याज प्राप्त गर्नेछन्। बैंकको यस ऋणपत्र बिक्री तथा निष्कासन प्रबन्धकको रूपमा कुमारी क्यापिटल लिमिटेड रहेको छ।