काठमाडौँ : भोटेकोशी नदीमा आएको विनाशकारी बाढीमा परी ज्यान गुमाएकाहरूमध्ये हालसम्म १ हजार ४ सय ३६ जनाको शव भेटिएको छ। प्रहरीका अनुसार विभिन्न जिल्लाबाट सङ्कलन गरिएका शवमध्ये अधिकांशको पहिचानका लागि डिएनए नमूना परीक्षण प्रक्रिया अघि बढाइएको छ।

नेपाल प्रहरीले दिएको जानकारी अनुसार विभिन्न आठ जिल्लामा शवहरू भेटिएका हुन्। जसअन्तर्गत :

• चितवन : ३६५

• रसुवा : २२३

• नवलपरासी (पूर्व) : २३२

• नवलपरासी (पश्चिम) : २२२

• नुवाकोट : २०३

• गोरखा : ७९

• धादिङ : ७२

• तनहुँ : ३८

१,२९२ शवको व्यवस्थापन सम्पन्न शवको वैज्ञानिक पहिचानका लागि मृतकका १,२८६ र आफन्तका १,९९७ गरी कुल ३,२८३ वटा डिएनए नमूना सङ्कलन गरिएको छ। डीएनए परीक्षण र प्रक्रिया पुरा गरी हालसम्म १,२९२ वटा शव व्यवस्थापन भइसकेको छ।

साथै, हालसम्म पहिचान हुन नसकेका १,३६२ जना मृतकको विवरण र हुलिया सर्वसाधारण तथा आफन्तको जानकारीका लागि नेपाल प्रहरीको आधिकारिक वेबसाइटमा राखिएको छ।

बेपत्ताको खोजी र उद्धारमा झन्डै ८ हजार प्रहरी बाढीका कारण अझै ४,६५५ जना नागरिक बेपत्ता रहेका छन्। उनीहरूको खोजी तथा प्रभावित क्षेत्रमा राहत वितरण, उद्धार र शव व्यवस्थापनका लागि हालसम्म ७,९७५ जना प्रहरी परिचालन गरिएको छ। खोजी तथा राहत कार्य निरन्तर जारी रहेको प्रहरीले जनाएको छ।