काठमाडौँ : आइएमई लाइफ इन्स्योरेन्स कम्पनीले चालु आर्थिक वर्षको भदौ महिनामा ३ करोड २४ लाख रुपैयाँभन्दा बढीको बीमा दाबी भुक्तानी गरेको छ। कम्पनीले सो अवधिमा प्राप्त कुल १ सय ११ वटा दाबीको सफल फछ्र्यौट गर्दै उक्त रकम भुक्तानी गरेको हो।
भदौमा भुक्तानी भएको कुल दाबीमध्ये सबैभन्दा ठूलो हिस्सा म्यादी बीमाको रहेको छ। कम्पनीका अनुसार म्यादी बीमातर्फका १०१ वटा दाबीबापत १ करोड ८९ लाख २९ हजार ५ सय ८१ रुपैयाँ भुक्तानी गरिएको छ। यसैगरी, परम्परागत बीमातर्फ ७ वटा दाबीको १ करोड १३ लाख ४० हजार ५ सय ४४ रुपैयाँ र वैदेशिक रोजगार बीमातर्फ ४ वटा दाबीबापत २१ लाख ५० हजार रुपैयाँ बराबरको भुक्तानी गरिएको कम्पनीले जनाएको छ।
