काठमाडौँ : सरकारले निजामती प्रशासनलाई प्रभावकारी र व्यवस्थित बनाउने उद्देश्यका साथ विभिन्न निकायमा कार्यरत ३८ जना शाखा अधिकृत (राजपत्राङ्कित तृतीय श्रेणी) को सरुवा तथा काज फिर्ता/खटाउने निर्णय गरेको छ।

भूमि व्यवस्था, सहकारी तथा गरिबी निवारण मन्त्रालय र सङ्घीय मामिला तथा सामान्य प्रशासन मन्त्रालयको हालै बसेको मन्त्रीस्तरीय/मन्त्रालयस्तरको बैठकले सो निर्णय गरेको हो।

निर्णयअनुसार मन्त्रालय मातहतका निकाय, विभिन्न विभाग तथा स्थानिय तहमा कार्यरत अधिकृतहरूलाई जिम्मेवारी फेरबदल गरिएको छ। सरुवा भएकामध्ये अधिकांशलाई विभिन्न गाउँपालिका तथा नगरपालिकाको प्रमुख प्रशासकीय अधिकृत (CAO) को जिम्मेवारी सुम्पिएको छ भने केहीलाई केन्द्रीय मन्त्रालय तथा आयोगहरूमा कामकाजका लागि खटाइएको छ।

नागरिक सेवा प्रवाहलाई चुस्त बनाउन र स्थानीय तहको प्रशासनिक नेतृत्वलाई पूर्णता दिन यो कदम चालिएको मन्त्रालय स्रोतले जनाएको छ।