मङ्सिर १०, काठमाडौं : नेपाल इन्सुरेन्सले १०.५२ लाभांश दिने घोषणा गरेको छ। कम्पनीको मङ्सिर ९ गते शनिबार बसेको सञ्चालक समितिको बैठकले २०७९/८० को नाफाबाट १० प्रतिशत बोनस सेयर र कर प्रयोजन सहित ०.५२ प्रतिशत नगद लाभांश दिने निर्णय गरेको हो।
यस्तै, कम्पनीले १४ करोड ९४ लाख ७६ हजार ५३९ रुपैयाँ बराबरको रकम बोनस सेयर र ७८ लाख ६७ हजार १८६ रुपैयाँ रुपैयाँ बराबरमा बाँड्नेछ।
नियामक बिमा समिति र कम्पनीको आगामी वार्षिक साधारण सभाले अनुमोदन गरेपछि मात्र लाभांश वितरण हुनेछ। गत वर्ष यसले ८ प्रतिशत बोनस सेयर र कर तिर्न ०.४२ प्रतिशत नगद लाभांश वितरण गरेको थियो।
