काठमाडौँ : हिमालयन रिइन्स्योरेन्स निजी क्षेत्रको पहिलो पुनर्बीमा कम्पनी हो। वैदेशिक रोजगारीमा गएकालाई सेयर बाँडफाँट गरेको हिमालयन रिइन्स्योरेन्स लिमिटेडले मंसिर २७ गतेदेखि सर्वसाधारणमा आईपीओ निष्कासन तथा बिकी खुला गर्ने भएको छ। कम्पनीले दोस्रो चरणमा सर्वसाधारणको लागि आईपीओ निष्काशन गर्न लागेको हो।
कम्पनीले १० अर्ब रुपैयाँ जारी पूँजीको ३० प्रतिशतले हुन आउने ३अर्ब रुपैयाँ बराबरको ३ करोड कित्ता शेयर जारी भएको छ। कम्पनीले प्रतिशेयर अंकित १०० रुपैयाँमा १०६ रुपैयाँ प्रिमियम थप गरी प्रति कित्ता २०६ रुपैयाँका दरले हुन आउने ६ अर्ब १८ करोड रुपैयाँको शेयर निष्काशन गर्ने भएको छ।
कम्पनीको सेयर सर्वसाधारणले कम्तिमा १० देखि अधिकतम ३ लाख कित्तासम्म आवेदन दिन सकिन्छ। कम्पनीको आईपीओमा मंसिर २७ गतेदखि पुस १ गतेसम्म आवेदन दिन सक्नेछन्। उक्त अवधिमा पुरै कित्ता बिक्री नभएमा भने निष्काशन अवधि पुस ११ गतेसम्म लम्बिने छ।
कम्पनीको आईपीओमा नेपाल धितोपत्र बोर्डबाट स्वीकृति प्राप्त गरेका सम्पूर्ण आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरु तथा सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर ‘मेरो शेयर’ अनलाइन प्रयोग गरी सि–आस्बा प्राणालीमार्फत आवेदन दिन सक्नेछन्।
आईपीओ निष्काशनका लागि गराएको रेटिङ्गमा इक्रा नेपालले कम्पनीलाई इक्राएनपी इस्यूअर रेटिङ्ग ए प्रदान गरेको छ।
