काठमाडौं : सिक्लेस हाइड्रोपावरले लाभांश वितरण गर्ने घोषणा गरेको छ। कम्पनीको सञ्चालक समितिको बैठकले चुक्ता पुँजीको ६ प्रतिशतका दरले नगद  लाभांश वितरण गर्ने प्रस्ताव गरेको हो।कम्पनीले उक्त लाभांश पारित गर्न पुस २७ गते बिहान ११ बजे १९औं वार्षिक साधारणसभा आह्वान गरेको छ। कम्पनीले गत आर्थिक वर्ष २०७९/८० को मुनाफाबाट लाभांश सहितको प्रस्ताव साधारण सभामा राखेको छ। 

कम्पनीले लाभांश तथा वार्षिक साधारणसभा प्रयोजनका लागि मंसिर पुस १३ गत बुक क्लोज गर्ने निर्णय गरेको छ। त्यसैले पुस १२ गतेसम्म नेप्सेमा कारोबार भई कायम सेयरधनीहरुले मात्र कम्पनीको साधारण सभामा भाग लिन पाउनेछन र कम्पनीले घोषणा गरेको लाभांश प्राप्त गर्न सक्नेछन्।