दमौली : तनहुँ जिल्लाको व्यास नगरपालिका–१० स्थित परेवा डाँडामा शुक्रवार दिउँसो बस पल्टिँदा १५ जना घाइते भएका छन्। तनहुँको दमौलीबाट लमजुङको कान्छातर्फ आउँदै गरेको ना६ख ५४७९ नम्बरको बस परेवा डाँडामा अनियन्त्रित भई दुर्घटना हुँदा १५ जना घाइते भएका छन्।
बस अनियन्त्रित भई सडकदेखि करिब १० मिटर तल खस्न गई दुर्घटना भएको प्रहरीले जानकारी दिनुभयो। घाइते भएकाहरूको दमौलीस्थित रत्नहरि अस्पतालमा उपचार भइरहेको तनहुँ प्रहरीले जानकारी दिनुभयो।
