काठमाडौं : थुलुङ दुधकोशी गाउँपालिकामा पाँच दिने महिला शसक्तीकरणका लागि नेतृत्वदायी भूमिका सम्बन्धि तालिम सूरु भएको छ । महिला जनप्रतिनिधि र अगुवा महिलाहरुलाई लक्षित उक्त तालिम मंगलबार उद्घाटन गरिएको हो ।
गाउँपालिका प्रवक्ता भोजराज कार्कीले उक्त तालिममा २७ जनाको सहभागीता रहेको जानकारी दिनु भयो । गाउँपालिकाको सभाहलमा जारी तालिमको सहजीकरण डा. रेणुका सोलुले गर्नुहुनेछ ।
तालिमको उद्घाटन गर्दै गाउँपालिका उपाअध्यक्ष सविता राईले महिलाहरुलाई अवर संगै क्षमता अभिवृद्धिमा पनि थुलुङ दुधकोशी सरकारले ध्यान दिइरहेको बताउँनुभयो ।
विकास निर्माणमा महिला नेतृत्वको भुमिका, त्यसको अवसर, चुनौति र व्यवस्थापन लगायतको विषयमा तालिममा जानकारी गराईने छ । कार्यक्रममा गाउँपालिका प्रवक्ता भोजराज कार्की, वडा नम्बर ६ का वडा अध्यक्ष महेन्द्रदिप राई, निमित्त प्रमुख प्रशासकीय अधिकृत खरिधन राई लगायतको उपस्थिति रहेको थियो ।
