काठमाडौं: उदयपुरको उदयपुरगढी गाउँपालिका–७ अधेरीस्थित सडकमा अटो दुर्घटना हुदा एक जनाको मृत्यु भएको छ । दुर्घटनामा गम्भीर घाइते भएका चालक त्रियुगा नगरपालिका–१२ बस्ने १८ वर्षीय मोहमत रूस्तमको जिल्ला अस्पतालमा उपचारको क्रममा मृत्यु भएको हो ।
नेपालटारबाट गाईघाटतर्फ जाँदै गरेको स.१ ह ३६२२ नम्बरको अटो अनियन्त्रित भई आइतबार राति दुर्घटना भएको थियो । साथै दुर्घटनामा घाइते भएका अटोमा सवार अन्य १ जनाको विराटनगर नर्सिङ होममा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
