काठमाडौं :धरान उपमहानगरपालिकाका मेयर हर्क साम्पाङलाई धरान खानेपानी व्यवस्थापन बोर्डमा काम गर्न बाटो खुलेको छ।
मेयर साम्पाङले बोर्डमा एकलौटी गरेको र काममा पारदर्शिता नभएको भन्दै बोर्ड सदस्य तथा उद्योग वाणिज्य संघ, सुनसरीका अध्यक्ष विजय श्रेष्ठले उच्च अदालत विराटनगरमा रिट दायर गरेका थिए।
बुधबार न्यायाधीश मुरारीबाबु श्रेष्ठ र कृष्णकमल अधिकारीको संयुक्त इजलासले उक्त रिटमाथि सुनुवाइ गर्दै अन्तरिम आदेश दिन अस्वीकार गरेको अदालतका सूचना अधिकारी ओमराज सुवेदीले जानकारी दिनु भयो । यससँगै मेयर साम्पाङलाई बोर्डमा काम गर्न बाटो खुलेको हो।
