साउन १०,काठमाडौं : काठमाडौंमा नाबालिगमाथि बलात्कार गरेको आरोपमा एक जना पुरूषलाई प्रहरीले पक्राउ गरेका छ।
मंगलबार दिउँसो प्रहरीले बलात्कार आरोपमा नागार्जुन नगरपालिका-२ पाँचधारा घर भई वडा नम्बर ६ फस्कु बस्ने ५१ वर्षीय मनोज महर्जनलाई पक्राउ गरेको हो।
उनले १३ वर्षीया नाबालिगलाई नागार्जुन-४ सीतापाइलास्थित पार्किङमा राखेको बसमा लगेर बलात्कार गरेको प्रहरीले जनाएको छ। बसको नम्बर भने खुलेको छैन।
प्रहरीका अनुसार घटना गत असार ३० गते भएको थियो। बलात्कार गरेको भन्ने उजुरीपछि प्रहरी वृत्त स्वयम्भूको टोलीले महर्जनलाई पक्राउ गरेको हो। प्रहरीले उनीमाथि म्याद थप गरी अनुसन्धान अघि बढाएको छ।
