साउन ३१ ,काठमाडौं :सेयर बजार परिसूचक नेप्से २० अंक माथिले घटेको छ । अघिल्लो दिन ३१ अंकले घटेर २ हजार ४५ अंकको विन्दुमा झरेको नेप्से सूचक बुधवार थप २०.३१ अंकले घट्दै २ हजार २५.१२ अंकको विन्दुमा पुगेको हो ।
यस्तै आज कारोबार समेत अनपेक्षित खुम्चिँदै १ अर्ब ६७ करोड ९९ लाख रुपैयाँमा झरेको नेपाल स्टक एक्सचेन्जले जनाएको छ । अघिल्लो दिन ३१ अंकले नेप्से घटेको बजारमा २ अर्ब माथिको कारोबार भएको थियो । आज नेप्से १३ वटै उपसूचक ऋणात्मक हुँदै बजार नै राताम्मे भएको छ ।
