भदौ १, एजेन्सी :उपप्रधानमन्त्री एवम् गृहमन्त्री नारायणकाजी श्रेष्ठले सरकारको सुशासन अभियानविरुद्ध भ्रष्टाचार र तस्करका संरक्षकहरूले घेराबन्दी गर्न र धम्की दिन खोजेको बताउनु भएको छ ।
अजिरकोट गाउँपालिका–२ स्थित भच्चेकमा ‘भच्चेक आधारभूत अस्पतालको आज उद्घाटन गर्दै उहाँले यस्तो बताउनु भएको हो । उहाँले ठग, तस्कर र भ्रष्टाचारीका संरक्षकहरुको धम्कीबाट आफू नडराउने, अप्ठेरोमा पार्न खोजे बरु सरकार छाड्ने, सुशासनको अभियान कुनै हालतमा नरोक्ने बताउनु भएको छ ।
भ्रष्टाचारी, ठग र तस्करहरूलाई संरक्षण गर्ने तत्त्वहरू सलबलाउन थालेका र उनीहरू यो अभियानलाई कसरी भाँजो हाल्न सकिन्छ भन्ने षड्यन्त्र गरिरहेको भएपनि उनीहरूका षड्यन्त्रले सरकारको अभियान नरोकिने उहाँको भनाई छ । सरकारमा रहेसम्म सुशासनको अभियान नरोकिने बताउनु भएको छ ।
