भदौ १, काठमाडौं: कोशी प्रदेशका मुख्यमन्त्री उद्धव थापाले आइतबार विश्वासको मत लिने तयारी गर्नु भएको छ । यसका लागि उहाँले बुधबारै प्रदेश सभा सचिवालयमा निवदेन दिएको प्रदेश सभाका प्रवक्ता गौतम राज अमात्यले जानकारी दिनु भएको छ ।
संविधानको धारा १८८ को उपधारा १ अनुसार थापाले आफूलाई प्रदेश सभा सदस्यहरुको विश्वास रहेको छ भन्ने स्पष्ट पार्न प्रदेश सभामा निवेदन दिनु भएको हो । साउन १६ गते मुख्यमन्त्री भएका थापाले भाद्र १४ गतेसम्ममा विश्वासको मत लिनु पर्नेछ।
