भदौ ६,काठमाडौं: धादिङस्थित गजुरी गाउँपालिका–२ मा आज बिहान यात्रुवाहक बस दुर्घटना भएको छ। काठमाडौँबाट पोखरा जाँदै गरेको प्रदेश ३–०१–००५ ख ९९५२ नम्बरको बस दुर्घटना हुदाँ ८ जनाको मृत्यु भएको छ।
२३ जना यात्रु सवार रहेको सशस्त्र प्रहरीका सहायक प्रवक्ता डिएसपी शैलेन्द्र थापाले जानकारी दिनु भयो। घटनास्थलमा सशस्त्र प्रहरी र नेपाल प्रहरीको संयुक्त खोज तथा उद्धार टोलीले वेपत्ता ७ जनाको खोजीकार्य गरिरहेको जानकारी थापाले दिए।
उद्धार कार्यमा सशस्त्र प्रहरी बल विपद् तालिम शिक्षालय कुरिन्टारबाट सामूहिक हताहत वाहनसहित सशस्त्र प्रहरीको टोली पुगेको छ।
