भदौ ७ ,काठमाडौं : भिजन लुम्बिनी ऊर्जा कम्पनी लिमिटेडले ३८ करोड २५ लाख रुपैयाँ बराबरको प्रारम्भिक सार्वजनिक निष्कासन (आईपीओ)बिक्री गर्न अनुमति पाएको छ ।
पुँजी बजारको नियामक निकाय नेपाल धितोपत्र बोर्डले भदौ ५ गते मंगलबार भिजन लुम्बिनीलाई आईपीओ निष्काशन गर्न अनुमति दिएको हो । कम्पनीले प्रतिसेयर अंकित मूल्य एक सय रुपैयाँ दरका ३८ लाख २५ हजार कित्ता आईपीओ निष्काशन गर्न बोर्डबाट अनुमति पाएको हो ।
कम्पनीले आयोजना प्रभावित स्थानीय बासिन्दा र सर्वसाधारणलाई गरी सो संख्यामा सेयर बिक्रीको अनुमति पाएको बताइएको छ । कम्पनीले जारी पुँजी १ अर्ब ९१ करोड २५ लाख रुपैयाँ बराबरको २० प्रतिशत सार्वजनिक निष्कासन गर्ने भएको हो ।
