काठमाडौँ : उपप्रधान तथा गृहमन्त्री रवि लामिछानेले जिबी राई जहाँ भएपनि समातेर ल्याउने प्रतिबद्धता जनाएका छन्। शनिबार राष्ट्रिय स्वतन्त्र पार्टीले काठमाडौँमा गरेको कार्यक्रममा बोल्दै उनले आकाश, पाताल जहाँ भएपनि जिबी राईलाई समातेर ल्याउने बताएका हुन्।
उनले जिबी राईले गरेका हरेक कामसँग आफ्नो नाम जोडिएकोमा आपत्ति जनानुभयो। आफूले ग्यालेक्सी टिभीमा काम गरुन्जेल सम्बन्ध रहेपछि टिभी छोडेपछि सम्बन्ध सकिएको बताउनुभयो।
उनले सहकारीबाट पैसा लिएका व्यक्तिको ब्याज सहित फिर्ता नगराए सम्म आफूले राजनीतिबाट विश्राम नलिने दाबी गरेका थिए। जो जहाँ, देश वा विदेशमा लुके पनि समातेर ल्याउने लामिछानेले बताउनुभयो।
