काठमाडौं : गृहमन्त्री रमेश लेखकले सशस्त्र प्रहरीसँग आफ्नो पुरानो साइनो भएको बताउनु भएको छ । सशस्त्र प्रहरी बल नेपालको केन्द्रीय कार्यालय हलचोकमा निरीक्षणका लागि पुग्नु भएका उहाँले २३ वर्षअघि सशस्त्र प्रहरी बलको जन्म अध्यादेशबाट भएको स्मरण गर्दै उक्त अध्यादेश संसदबाट पारित भएको बताउनु भएको हो ।
सशस्त्र प्रहरी स्थापनाबारे अध्ययन गर्न स्वर्गीय सुवासचन्द्र नेम्वाङको नेतृत्वमा बनेको समितिमा कांग्रेसबाट सदस्यका रुपमा सहभागी भइर काम गरेको उहाँको भनाइ छ ।
यस्तै सरकारको अहिलेको प्राथमिकता सुरक्षा निकायका कानुनलाई समसमायिक संशोधन गर्ने रहेको गृहमन्त्री लेखकको भनाइ छ । निरीक्षण कार्यक्रममा गृहसचिव एकनारायण अर्यालले सशस्त्र प्रहरी बल नेपालको साथमा गृह मन्त्रालय साथमा रहने बताउनु भयो । ‘
उहाँले अहिले विपतको समय भएको भन्दै सशस्त्र प्रहरीलाई दुई महिना बढी खट्नु आग्रह गर्नु भयो । यस्तै सशस्त्र प्रहरी महानिरीक्षक राजु अर्यालले सशस्त्र प्रहरी आफ्नो काममार्फत जनमनमा बस्न सफल भएको बताउनु भयो ।
