काठमाडौँ : संसदको राज्य व्यवस्था तथा सुशासन समितिले अलपत्र यात्रुहरूको तत्काल उद्धार गर्न आवश्यक निर्देशन दिएको छ।
बाढी र पहिरोका कारण भएको क्षतिबारे छलफल गर्न समितिले मंगलबार गृहमन्त्री रमेश लेखकलाई बोलाएको थियो।
छलफलपछि समितिले राजमार्गमा अलपत्र परेका यात्रुहरूको चाँडो उद्धार गर्न निर्देशन दिँदै राहत र उद्धार कार्यमा तदारुकता देखाउन आग्रह गरेको छ। साथै हवाई भाडा नबढाउन र राजमार्गलाई सुचारु गर्नसमेत समितिले सुझाव दिएको छ।
