काठमाडौँ : नवलपरासी (बर्दघाट सुस्तापूर्व) कावासोती नगरपालिका-७ मा मंगलबार दिउँसो गैँडाको आक्रमणबाट एक वृद्धको मृत्यु भएको छ।
जिल्ला प्रहरी कार्यालय नवलपरासी (बर्दघाट सुस्तापूर्व)का अनुसार कृष्णसार सामुदायिक वनमा गाई-गोरु चराउँदै गर्दा स्थानीय बोटे टोलका ६५ वर्षीय सुकबहादुर बोटे आक्रमणमा परेका हुन्।
गम्भीर घाइते भएका बोटेलाई स्थानीयले तत्कालै उपचारका लागि अस्पताल पुर्याएका थिए, तर उपचारकै क्रममा उनको निधन भएको प्रहरी नायब उपरीक्षक जेशी शाहले जानकारी दिए।
