काठमाडौं : काठमाडौं विश्वविद्यालयले आउँदो ३० मङ्सिरमा ३० औं दीक्षान्त समारोह आयोजना गर्न लागेको छ। विश्वविद्यालयले एक सूचना जारी गर्दै विभिन्न तहमा उत्तीर्ण विद्यार्थीलाई समारोहमा सहभागी हुन आह्वान गरेको छ।
पहिलो चरणको दीक्षान्त समारोहमा स्कुल अफ आर्ट्स, एजुकेसन, इन्जिनियरिङ, कानून, म्यानेजमेन्ट, साइन्स र मेडिकल साइन्सबाट १२ मङ्सिर, २०८१ सम्ममा विद्यावारिधि, स्नातकोत्तर र स्नातक तह उत्तीर्ण विद्यार्थी सहभागी हुन सक्नेछन्।
समारोहमा दीक्षित हुनका लागि ५ देखि १४ मङ्सिरसम्म अनलाइन आवेदन दिन सकिनेछ। इच्छुक विद्यार्थीहरूले विश्वविद्यालयको वेबसाइटमा गएर अनलाइन फारम भर्न सक्नेछन्। आवेदनको लागि यहाँ क्लिक गर्नुहोस्
अनलाइन आवेदनको प्रक्रिया र थप जानकारीको लागि विश्वविद्यालयको आधिकारिक वेबसाइटमा उपलब्ध छ।
