काठमाडौँ : क्रान्तिकारी कम्युनिस्ट पार्टीका नवनिर्वाचित महासचिव मोहन वैद्य स्वास्थ्य समस्याका कारण शिक्षण अस्पताल, महाराजगञ्जमा भर्ना भएका छन्। पुरानै समस्या अर्थात् दमको समस्या अचानक बढेपछि उनलाई अस्पताल लगिएको हो।
बिहीबार १ सय ३२औँ माओ दिवसको अवसरमा कृष्णसेन 'इच्छुक' प्रतिष्ठानद्वारा आयोजित पार्टी कार्यक्रममा सहभागिता जनाएपछि उनको स्वास्थ्य अवस्था बिग्रिएको थियो।
हाल वैद्यको स्वास्थ्य अवस्था सामान्य रहेको र आवश्यक उपचार जारी रहेको पारिवारिक स्रोतले जानकारी दिएको छ।
