काठमाडौँ : राष्ट्रिय किताब खाना, छाउनीमार्ग तहाचल, काठमाडौँमा कार्यरत शाखा अधिकृत धनेश्वर प्रसाईंलाई तीन लाख रुपैयाँ घुस रकमसहित पक्राउ गरिएको छ।
अख्तियार दुरुपयोग अनुसन्धान आयोगका अनुसार, पेन्सनपट्टा बनाइदिने प्रयोजनका लागि सेवाग्राहीसँग घुस माग गरिरहेको भन्ने उजुरीका आधारमा खटिएको टोलीले प्रसाईंलाई हिजो कार्यकक्षमै तीन लाख रुपैयाँ घुस लिइसकेको अवस्थामा पक्राउ गरेको हो।
अख्तियारका प्रवक्ता नरहरि घिमिरेले घटनाबारे थप अनुसन्धान भइरहेको जानकारी दिएका छन्।
