काठमाडौँ : नेपाली बजारमा  सुनचाँदी दुवैको मूल्य घटेको छ । नेपाल सुनचाँदी व्यवसायी महासंघका अनुसार आज बुधबार सुन प्रतितोला २ हजार ७ सय रुपैयाँ र चाँदीको पनि प्रतितोला १ सय ६० रुपैयाँले घटेको छ ।

नेपाल सुनचाँदी व्यवसायी महासंघका अनुसार आज सुन प्रतितोला ३ लाख ४ हजार १ सय रुपैयाँमा कारोबार भइरहेको छ  भने हिजो मंगलबार सुन प्रतितोला ३ लाख ६ हजार ८ सय रुपैयाँमा कारोबार भएको थियो ।

त्यस्तै, आज बुधबार चाँदी प्रतितोला ४ हजार ५ सय ९५ रुपैयाँमा कारोबार भइरहेको छ भने हिजो मंगलबार चाँदीको मूल्य प्रतितोला ४ हजार ७ सय ५५ रुपैयाँ कारोबार भएको थियो ।