काठमाडौँ : आज काठमाडौँको विभिन्न स्थानमा चार घण्टादेखि साढे ४ घण्टासम्म विद्युत् अवरुद्ध हुने भएको छ। उक्त क्षेत्रमा बिजुलीको लाइन मर्मत सम्भार गर्नुपर्ने भएकाले डाँछी फिडर आज बिहान साढे १० बजेदेखि दिउँसो साढे २ बजेसम्म बन्द गर्नुपर्ने विद्युत् प्राधिकरणले जनाएको छ।
फिडर सट डाउन गर्दा त्यस अन्तर्गत पर्ने चाबहिल प्लाजा, केएल टावर, टुसाल, बौद्ध पिपल बोटदेखि जोरपाटीसम्म बिजुली काटिने प्राधिकरणले जनाएको छ। काम निर्धारित समयअघि नै सकिए विद्युत् लाइन सुरु हुने प्राधिकरणले जानकारी दिएको छ।
