काठमाडौं : सुनचाँदी दुवैको भाउ लगातार वृद्धि भएको छ । सुनको मुल्य आज तोलामा १ सय रुपैयाँले बढेको छ।
नेपाल सुन चाँदी व्यवसायी महासङ्घले आज छापावाला सुनको मुल्य तोलामा १ लाख १० हजार ७ सय रुपैयाँ तोकिएको जनाएको छ। बुधबार छापावाला सुनको मुल्य १ लाख १० हजार ६ सय रुपैयाँ थियो। बुधबार तेजावी सुनको भाउ १ लाख १० हजार ५० रुपैयाँ थियो भने आज तेजावी सुनको भाउ १०० रुपैयाँ बढेर १ लाख १० हजार १ सय ५० रुपैयाँमा कारोबार भइरहेको छ।
त्यसैगरी, बिहीबार चाँदीको मूल्य भने १५ रुपैयाँले बढेको छ। बुधबार प्रतितोला १ हजार ३ सय ८० रुपैयाँमा कारोबार भएको चाँदी आज प्रतितोला १ हजार ३ सय ९५ किनबेच भइरहेको छ।
