२४ असार, काठमाडौं : पहिरो पन्छाएपछि नारायणगढ–मुग्लिन सडकखण्ड दुइतर्फी सञ्चालनमा आएको छ।
आज बिहान तीन नम्बर पुलमा सुख्खा पहिरो खसेपछि सडक दुइतर्फी अवरुद्ध बनेको थियो। ३ एक्साभेटर र जेसिभी प्रयोग गरी पहिरो पन्छाइ सडक दुइतर्फी सञ्चालन गरिएको थियो। अहिले रोकिएका सवारीसाधन र यात्रुहरु गन्तव्यतर्फ लागेको इलाका प्रहरीले जानकारी दिनुभयो।
यस सडकखण्डमा असार महिना लागेपछि पटक–पटक पहिरो खस्दा सडक अवरुद्ध हुँदा पूर्व र पश्चिम हुँदै काठमाडौं र पोखरा ओहोरदोहोर गर्ने यात्रु बढी मर्कामा परेका छन्। यस सडक हुँदै दैनिक हजारौ सवारीसाधन आउजाउ गर्ने गर्दछन्।
