साउन ७,काठमाडौं: नेपाली कांग्रेसका नेता तथा परराष्ट्रमन्त्री एनपी साउदले आर्मी माथि केही पार्टीले आक्रमण गरेको बताउनु भएको छ ।
केन्द्रीय समितिको बैठकमा बोल्दै साउदले यस्तो बताउनु भएको हो । विपक्षमा रहेका दलहरु सत्ता नपाएपछि रन्थनिएको बताउँदै आर्मीजस्ता संस्थामा केही पार्टीहरुले आक्रमण गरिराखेको उहाँले बताउनु भयो । असंलग्न परराष्ट्र नीति, विदेशी सम्बन्धमाथि प्रहार गर्ने काम भइराखेको साउदले बताउनु भयो ।
सत्ता गठबन्धन र कांग्रेस सही ट्रयाकमा हिडिरहेको उहाँको दाबी छ । पूर्व गृहमन्त्री बालकृष्ण खाँणको नाम नलिइकन साउदले अदालतको विचाराधिन मुद्धामा बोल्नुपर्ने अवस्था नरहेको बताउनु भयो पार्टीमा २० प्रतिशत क्रियाशील सदस्य आफ्ना उम्मेदवारलाई भोट हाल्ने अवस्था नरहेको उहाँको भनाई छ।
