साउन १२,काठमाडौं : ऐतिहासिक उचाइ नजिक पुगेको सुनको भाउ आज शुक्रबार ९०० रुपैयाँले घटेको छ।
नेपाल सुनचाँदी व्यवसायी महासंघका अनुसार आज शुक्रबार छापावाल सुन प्रतितोला १ लाख १२ हजार ६०० रुपैयाँमा कारोबार भएको छ। हिजो बिहीबार छापावाल सुन प्रतितोला १ लाख १३ हजार ५ सय रुपैयाँमा कारोबार भएको थियो।
आज तेजाबी सुन प्रतितोला १ लाख १२ हजार ५० रुपैयाँमा कारोबार भएको छ। हिजो बिहीबार तेजाबी सुन प्रतितोला १ लाख १२ हजार ९ सय ५० रुपैयाँमा कारोबार भएको थियो।
चाँदीको मूल्य पनि ४० रुपैयाँले घटेको छ। आज चाँदी प्रतितोला १ हजार ४ सय ५० रुपैयाँमा कारोबार भएको महासंघले जनाएको छ। हिजो बिहीबार चाँदी प्रतितोला १ हजार ४ सय ९० रुपैयाँमा कारोबार भएको थियो।
