काठमाडौँ : रोयल इन्फिल्डले आफ्नो चर्चित बाइक क्लासिक ३५० को नयाँ संस्करण गोन क्लासिक ३५० सार्वजनिक गरेको छ।
यो बबर शैलीको मोटरसाइकललाई सिंगल र तीन ड्युअल-टोन कलर विकल्पमा उपलब्ध गराइएको छ। कम्पनीले बाइकको मूल्य नोभेम्बर २२ देखि २४ सम्म हुने वार्षिक बाइकिङ कार्यक्रम मोटोभर्स मा घोषणा गर्नेछ।
प्रमुख विशेषता र डिजाइन
गोन क्लासिक ३५० ले क्लासिक ३५० जस्तै पुरानो बाइकको साजसज्जा र आकर्षणलाई कायम राख्दै केही नयाँ विशेषताहरू थपेको छ। यसमा:
- गोलो एलईडी हेडलाइट,
- टियरड्रप आकारको इन्धन ट्याङ्की,
- स्ल्याश-कट एक्जस्ट पाइप,
- ७ सय ५० एमएम उचाइको सिट,
- सेमी-डिजिटल इन्स्ट्रुमेन्ट क्लस्टर रहेका छन्।
आरामदायी राइडिङको लागि प्राविधिक सुविधा
- १९ इन्च फ्रन्ट र १८ इन्च रियर स्पोक ह्विल,
- ४१ एमएम टेलिस्कोपिक फोर्क फ्रन्टमा,
- ६-स्टेप प्रिलोड एडजस्टेबल ट्विन शॉक एब्जर्बर रियरमा,
- ब्रेकिङका लागि ३०० एमएम फ्रन्ट र २ सय ७० एमएम रियर डिस्क ब्रेक छ।
- बेस भेरिएन्टमा सिंगल च्यानल एबीएस र रियर ड्रम ब्रेकको विकल्प,
इन्जिन र पावर
गोन क्लासिक ३५० मा ३ सय ४९ सीसी जे-सिरिजको सिंगल सिलिन्डर एयर-कुल्ड इन्जिन रहेको छ। यसले:
- २० एचपीको पावर (६ हजार १ सय आरपीएममा),
- २७ एनएमको टर्क (४हजार आरपीएममा) उत्पादन गर्छ।
इन्जिनलाई ५-स्पिड गियरबक्ससँग ट्युन गरिएको छ।
प्रमुख प्रतिस्पर्धा
गोन क्लासिक ३ सय ५० ले बजारमा जावा ४२ बबर, बेनेली इम्पेरियल ४००, र होन्डा हाइनेस ३५० जस्ता मोटरसाइकलसँग प्रतिस्पर्धा गर्नेछ।
नयाँ बाइक, पुरानो जोश
रोयल इन्फिल्डले गोन क्लासिक ३५० मार्फत पुरानो बाइकको नश्ल र नयाँ टेक्नोलोजीलाई एकसाथ ल्याएको छ। यो बाइकले ग्राहकहरूलाई स्टाइल, पावर र आरामदायी यात्राको नयाँ अनुभव दिने अपेक्षा गरिएको छ।
