काठमाडौँ : काठमाडौंको कलंकी खसी बजार अगाडि रिङ्गरोड क्षेत्रमा निर्माणाधीन ईभी चार्जिङ्ग स्टेसनको कामका क्रममा माटो र धुलो सडकमा खसालेको भन्दै स्वतन्त्र यातायात प्रा. लि. लाई जरिवाना गरिएको छ।
काठमाडौं महानगर प्रहरी बलले सार्वजनिक सडकमा माटो र धुलो फैलाएको, ट्राफिक तथा पैदलयात्रीलाई असजिलो भएको र वातावरणीय मापदण्डको उल्लङ्घन गरेको ठहर गर्दै कम्पनीलाई ५० हजार रुपैयाँ जरिवाना तिराएको जनाएको छ ।
